Nola egiten dira erremintak?

Tailerrean erabiltzen ditugun hiru erreminta nola egiten diren adierazten digu bideo honek. Ba al dakizkizue nola izendatzen ditugun?

Elektronika lantzeko proiektuak - baliabideak

Azkeneko eguneraketen berri internetetik bilatzen ari nintzala, elektronikako zirkuituak muntatzeko modu berri hau topatu dut. Elementuen arteko konexioak egiteko imanetan oinarritzen da!! Modu honetan muntaketak beti funtzionatzen omen du eta, badakizue, imanekin lana egitea dibertigarria omen da! Gainera gunean ikusi ahal izan dudan bideoan ordenadore bitarteko kontrola egiteko aukera ere ematen du!! Bideo honetan proiektu baten adibidea erakusten dute: kafe-makina!

Orain arte elektronika lantzerakoan ez nien oso erraz jartzen ikasleei (ezta aurten ere, jeje!). Elementuen arteko konexioak eztainatuz egin behar ziren eta badakigu elektronikako osagaiak nahiko "ahulak" izan daitezkela... Proiektuak ez dira guztiz bideratuak, ikasleen gaitasunak garatzen saiatzen... buruhauste dexente...
Aurten opitec-eko materiala erabili dugu eta emaitzetan denetatik jaso dugu, normala denez. Egia esan ez naiz oso konbentzituta gelditu materialari dagokionez... ikasleak zenbait momentutan "erreta" ikusi ditut zirkuitua ez bait zebilen nahiz eta osagai guztiak modu egokiak konektatuta egon... gainera horren denbora gutxi daukagu teknologia ikasgaian... ea goikoak enteratzen diren!!
Arazo hau ekiditeko teknologiako mintegian Manuk komentatu zuen, berak, plaka batzuk erabiltzen hasia dela eta demostrazio txiki bat egin zigun. Egia esan emaitza oso polita izan zen (lastima gu dagoeneko martxan ari ginela).
Beno, sarrera luzea atera zait, egindako lanaren berri eman, egin daitekenarena, nere kexak... hobe gaiarekin loturiko beste bideo honekin bukatzea

Entxufeak munduan zehar

Gaur egun ordenagailuekin aurrera eta atzera ibiltzen garela eta, Eurocom-ek (ordenagailu txikien fabrikatzaileak) mapa hau argitaratu du; bertan ikus dezakegu herrialde bakoitzean erabili beharko genukeen entxufea.

Zirkuitu logikoen simulatzailea online

Irudian ikus dezakezuen bezala helbide honetan zirkuituen simulazioak egin daitezke modu erraz batean; elementuak aukeratu eta kanpora atera behar dira, ondoren beraien arteko konexioak itxi eta listo!! Oso ona iruditzen zait oinarrizkoa ikasteko. Esango duzue...
Zeinek idatzi dit eskema horri dagokion funtzioa?

Azpitituluak youtuben

Youtubek beste aplikazio bat jarri du gure eskura: captiontube. Honen bitartez bideoetan azpitituluak jar ditzazkegu. Orain arte dotsub erabil genezakeen (ikusi adibidea: hizkuntzetan basque aukeratu daiteke).
Bideo honetan ikus dezakegu

Zerra metalikoa

Bido polit honetan zerra metalikoa nola egiten den ikus daiteke.

Etxeko instalazioak

Aurtengo proiektu integrala "Gure gustoko etxea" (izan) da eta horretan lanean aritzeko erreminta ezberdinak aipatu ditugu kurtsoan zehar. Gaurkoan beste batekin natorkizue: smallblueprinter.
Etxeko diseinuak egiteko balio du. Goiko bista edo isometrikoan ikus dezakegu eta nahiz eta lehenago aipatu genituen aplikazioak baino sinpleagoa izan, oso aproposa ikusten dut ikasleekin lantzeko. Noski, azkeneko joerari jarraituz, online aplikazio bat da!
3D ikuspuntua lortzeko aukera ematen du eta baita inprimatzeko ere. Lastima blogean embedetzeko (txertatzeko) aukera ematen ez duenik!!