Eremu magnetikoa, fluxua, motor elektrikoa, sorgailua...

Taldetan banatu eta hiru motor hauen inguruko informazioa bilatzen aritu dira ikasleak: korronte zuzeneko motorra, korronte alternokoa eta pausuz-pausuko motorra. Azken hau bereziena egin zaigu. Gainera gaia aprobetxatuz, eta denbora genuenez, dinamoa eta alternadorea aipatu ditugu. Lanean ari ziren bitartean, puntualki, honako beheko bideo honetan azaltzen diren hainbat gauza aipatu ditugu.

Zein erraz azal ditzakegu gaur egun hainbat gauza multimedia baliabideak erabilita...

Portzierto, pausuz pausuko motorrak erabiltzen dira 3D inprimagailuetan... Laister berri gehiago...

Kirchhoff-en legeak

Atera ezazue zirkuitu honetan dabiltzan korronte intentsitateen balioak:

Ekuazio sistemak ebazteko baliabide hau erabil dezakezue.

Kontrolerako galdera: motor-elektrikoaren norantza aldaketa.

Ondorengo dokumentuan azaltzen diren eskema hauetan, motor-elektriko baten norantza aldaketa gurutzaketa-kommutadore baten bitartez nola egiten den adierazten da. Gure proiektuetan posizioaren kontrola mikrorruptoreen bidez egingo dugu. Honela proiektuen automatizaziorako lehen pausua emnago dugu. Ea zer moduz erantzuten duzuen!!

Material interesgarria AGREGAn

Dagoeneko eukaratuak izan dira lehendik AGREGAN zeuden zenbait sekuentzi didaktiko. Gure lana izango da orain norberak bere klasetarako egokitzea... edo ez... Elektrizitatearen oinarriak errepasatzeko material interesgarria izan daiteke hau lehenengo mailako ikasleentzat:

Errelea

Hirugarren mailako ikasleekin proiektuen kontrol kableatua lantzen hasi gara. Horretarako aipatu dugun lehen osagaia errelea izan da. Ikusi nolakoa den:

Ikus dezakezuenez, bi osagai nagusi ditu: elektroimana eta kontaktua. Elektroimana kitzikatzen badugu, kontaktuak bere posizioa aldatuko du. Klasean aipatu dugunez, erreleak zirkuitua bi zatitan banatzen du; alde batetik, kontrol zirkuitua eta, bestetik, potentzia zirkuitua. Ea honek ulertzen laguntzen duen:
Ikusten denez, kontrol zirkuituan dagoen etengailua isterakoan, elektroimana kitzikatzen da eta, ondorioz, kontaktuak bere posizioa aldatzen du. Etengailua irekitzen denean, kontrol-zirkuituan korronterik ez dabil, elektroimana ez da kitzikatzen eta, beraz, kontaktuak hasierako posizioa berreskuratzen du. Klasean beste errele mota bat aipatu dugu: kontaktu bikoitzekoa. Aplikazio zehatz bat aipatu dugu... eta biharko entregatzen duenari "oso ondo" baloratuko zaiola... Animo! ;)

Zirkuitu elektrikoak errepasatzeko

Hemen daukazue jelordi irakasleak prestaturiko dokumentu hau. Oso ona zirkuitu elektrikoen gaia errepasatzeko. Horrela, nik emandako azalpenekin konparatu dezakezue, eta behar bada, hainbat zalantza argitu ere. Elektrizitatea Ikaslearen koadernoa

Zirkuitu elektrikoen osagaiak lantzen

Zirkuitu elektrikoak aztertzeko lehenengo bere osagaiak aztertu behar ditugu. Izenak, ezagugarriak,... Izenekin hasiko gara. Ikusi prestatu dugun arikea erraz hau: Gustatu zaizu? Erraza zen, ezta?

Zirkuitu elektrikoak azaltzeko baliabideak

Askotan irakasleek zirkuitu elektrikoen funtzionamendua azaltzeko hidraulikarekin edo urarekin izan dezakeen analogia erabiltzen dute. Horretarako behean duzuen baliabide hau nahiko interesgarria izan daiteke. Bertan ikus daiteke sorgailuaren tentsioa igotzean (ur ponparen indarra), elektroiak (ura) azkarrago mugitzen direla eta horren ondorioz bonbillak argi gehiago ematen duela (turbinak azkarrago ematen dituela birak). Beraz, elementuak honela parekatu ditzazkegu: sorgailua - ur-ponpa kablea - tutuak hargailua - turbina Eta faltan botatzen dudan: zirkuitua eten ahal izateko kontrol elementua bat (etengailua). Zirkuitu hidraulikoaren kasuan balbula bat litzateke, ezta? Argibideak: tentsio baxua adierazteko low botoia egon behar da sakatuta. tentsio altua adierazteko high botoia egon behar da sakatuta. Ziur azkeneko hau ez zela beharrezkoa azaltzea baina... ;)

Zirkuitu elektrikoak simulatzeko baliabidea

Ea ondo ateratzen den...

Sakatu hasteko

Ohmen legea errepasatzen

Hemen duzue orri hau oinarrizko zirkuitu elektrikoak errepasatzen joateko orri hau. Momentuz garrantzitsuena Ohm-en legea noiz eta nola erabili. Gero erresistentzien arteko serie eta paralelo elkarketak, baina gutxinaka...
Ohmen legea errepasatzen

Zirkuitu elektrikoen simulazioak

Coloradoko unibertsitateak gure esku jartzen ditu zirkuitu elektrikoak simulatzeko aukera (horretarako java izan behar duzu instalatuta). Simulazioak oinarrizkoak dira baina ikasle gazteekin lantzeko aukera ematen digute. Simulazioak online egin daitezke edo deskargatu.
Beste alde on bat: itzultzeko aukera ematen digute, ikusi adibide hau (eta ez izan oso zorrotzak...)
Ea gero eta gehiago itzultzeko aukera dugun!
OHARRA: beste ikasgaietan lantzeko aukerak badaude ere: fisika, bio,...

Tentsio altuko kableak

Noizpait aipatu dugu korronte elektrikoa garraiatzeko tentsio altuetan egiterakoan potentzia galera txikiagoa izatea lortzen dela. Bideo honetan tentsio altuko kableen mantenimendua nola egiten den ikus daiteke. Ikusgarria!

High Voltage Cable Inspection
by monnotman

Nola egiten dira pilak?

Bideo honek adierazten du nola egiten diren. Berriz kargatzeko pilak, edo arruntak ere, fabrikazio prozedura berdina du; aldatzen den gauza bakarra bateriak betetzeko pastaren osagai kimikoen erabilera da. Ikusi...

Goritasunezko bonbilak ez erabiltzearen arrazoiak

Beste bideo bati jarraituta dotsub-en bitartez, bideo honetara iritsi naiz eta interesgarria iruditu zait blogean kokatzeko. Aukera ematen duenez azpitutuluak euskaratu egin ditut, horregatik bideoa euskarazko azpitutuluekin ikustea eskatuko nizueke. Kostatu zaitenarekin...
Ah! Ez izan oso zorrotzak itzulpenarekin, mesedez,... :)

Babes eta aginte-koadro orokorra

Etxeko instalazioekin ari ginela eta begira zein aurkezpen polita aurkitu dudan. Agian guretzako maila altuegia baina bertatik oso informazio interesgarria atera ahal izango dugu:

Barne instalazio elektrikoak

Kuriosidade bat (beste bat)

Oso gauza kuriosoa hemen daukaguna. Plugin bat non herrialde ezberdinetan erabiltzen diren entxufeak eta adierazten dizkizun... Eta nola gu oraintxe ari garen instalazio elektrikoekin ba kuriosoa iruditu zait hemen aipatzeko. Dirudienez tentsioa, konektore, entxufe eta hertzioen arteko konparaketa ematen ditu. Hau da nik egin dudan froga:
Kuadroan ikus dezakegunez maiztasuna 60Hz-etakoa da Cuban; baina hemen 50Hz. Zein ezberdintasuna egongo zen motore bat han edo hemen konektatuko bagenu? Imaginatu ile-lehorgailua baten kasuan ari garela!

Zirkuitu elektronikoen simulatzaileak

Orain arte klasean askotan Crocodile clips-eko doako bertsioa erabiltzen genuen zirkuitu elektrikoen simulazioak egin nahi genituenean. Simulazio xinpleak, noski, elementu gutxi batzuk erabiltzeko aukera ematen bait zuen. Orain Yenka Basic Circuits delakoa jarri dute guretzeko eskuragarri eta arbel digitala erabiltzeko modukoa omen da. Probatuko al dugu?

Joko bat

Joko honetako helburua bonbila guztiak piztea da. Horrela egitea lortzen duenari puntu bat igoko diot! jaja!

Gailu elektrikoen kontsumoa

Unesa web orrian topatu dut hainbat gailu elektrikoren kontsumo elektrikoa. Datu hau askotan erabiltzen dugu eta interesgarria iruditu zait eskuragarri edukitzea.

Kable elektrikoaren fabrikazio prozedura: