Lehenengo automata?

Hau izango da egin den lehenengo automata? Frantseseko irakasleari ere laguntza eskatu beharko diogu...

Esku bionikoa

Konturatu naiz, bai, ia beti aplikazio industrialen inguruan aritzen naizela baina ikusi egindako aurrerapenen arabera lortu ahal direnak gizartearen ongizaterako:

Robotika eta pneumatika

Aurreko kurtsoan besorobotaren proiektua lantzea pentsatu genuen eta era berean Orixe ikastetxekoekin lankidetzarako proiektu batean parte hartzea proiektu honen bitartez. Beso robotaren kontrola picaxe txartelaren bitartez egingo genuen eta mugimendua pneumatikoa lortuko genuen. Bi mugimendu mota izango zituen: eskua ireki-itxi eta eskua ezker-eskubi mugitu.
Honen arabera gainditu beharreko edo, beste modu batera esanda, lortu beharreko helburua honako hau zen: pieza bat puntu batetik hartu eta muntaketa katearen beste puntu batera eramatea. Automata baten modura lana egingo zuen, hau da, mugimenduak behin eta berriz errepikatuz.
Lortu beharreko materialak beranduegi iritsi ziren (ez dut ezer esango ikasleen lanarekiko jarrerari buruz...) eta gainera proiektuaren konplikazioa zela eta, ez genun oso emaitza positiborik lortu. Ez diot garrantzi handiegirik emango beti gustatu bait zait klasean malgutasun batekin aritzea eta lortutako emaitzak baloratzea (hurrengoetarako esperientzia moduan). Hemen duzue ingelesez dagoen bideo bat, non antzeko proiektua lantzen duten,... baina ez ahaztu gu DBHn gaudela!!!

Robotika

Gaur egun gure programazioan robotika gaia landu egiten dugula danok dakizue, honi buruzko informazioa (era guztitakoa) bilatzen ari nintzen eta Julio delako batek eraikitako robotaren inguruko bideora iritsi naiz. Oso interesgarria iruditu zait; hainbat ezaugarri aipatzen dira bideoan bertan, adibidez, serbomotoreak. Zer dira serbomotoreak ba? Hemen duzue bideoa (bertan hainbat mugimendu eta ekintza betetzen ditu robotak.

Iritsiko gara honelako zerbait egitera klasean? Noski ezetz baina baina honen oinarri izango den zerbaitera... espero dut! Ea gustokoa duzuen! Egilea zoriontzea besterik etzait geratzen!